Në ditën e ndeshjes, ka një milion gjëra për të menduar: A janë fëmijët gati? I keni paketuar të gjitha pajisjet që iu nevojiten, ushqimet që duan dhe rrobat rezervë që ndoshta do t’ju duhen? Sa anëtarë të familjes do të vijnë me ju dhe a keni nevojë të kryeni ndonjë blerje gjatë rrugës? Më e rëndësishmja, a do t’ia dilni në kohë?
E vetmja gjë për të cilën nuk dëshironi të mendoni: makina që prishet gjatë rrugës për atje. Me gomat vetëmbështetëse Runflat, mund të jini të sigurt që katër gomat tuaja do t’ju çojnë në destinacionin tuaj në kohë. Në rast shpimi, pareti anësor i përforcuar nuk shtypet midis diskut dhe rrugës, kështu që goma nuk do të prishet. Sapo të jeni të sigurt se mund të udhëtoni edhe 80 km të tjera, edhe me një gomë të shpuar, nuk do të shqetësoheni më për udhëtimin dhe do të përqendroheni vetëm që të gjithë të futen në makinë dhe të arrini në eveniment në kohë.
Gomat vetëmbështetëse Runflat të Continental janë të pajtueshme me të gjitha disqet standarde. Falë një pareti anësor të përforcuar të projektuar në mënyrë të posaçme, ato mund të vazhdojnë të rrotullohen me një shpejtësi prej 80 km/orë për 80 km të tjerë pasi janë shpuar. Kjo do të thotë që ju nuk duhet të hapni krahun për të telefonuar për ndihmë ose për të ndërruar një gomë. Në vend të kësaj, ju mund të arrini në destinacionin tuaj të sigurt dhe të rregulloni gomën e shpuar kur të keni kohë.
Gomat vetëmbështetëse Runflat jo vetëm që ju japin qetësi, ato gjithashtu shtojnë deri në 80 litra hapësirë të lirë në bagazhin tuaj. Duke qenë se nuk keni më nevojë për gomë rezervë, mund të futni edhe më shumë gjëra në pjesën e pasme të makinës suaj.
Nëse jeni përgjegjës për organizimin e një familjeje të zënë me punë,ju e dini se gjithçka që mund të shkojë keq, do të shkojë keq - veçanërisht kur jeni në limitet e kohës.
Një këpucë që mungon, një fëmijë që qan ose një vëlla i ngathtë, janë mjaft kaotike, pa përmendur ndonjë katastrofë më të madhe.
Kjo është arsyeja pse ne në Continental krijuam teknologjinë Runflat me vetëmbështetje që ju garanton mbërritjen në destinacionin tuaj, pavarësisht nga pengesat që ju sjell jeta. Me një gomë normale, makina mund të prishet gjatë rrugës për një eveniment të rëndësishëm. Duhet të ndërroni gomën ose të prisni për asistencë në rrugë. Me gomat vetëmbështetëse Runflat, mund të vazhdoni të drejtoni makinën dhe ta rregulloni shpimin më vonë. Për shkak se mund të mbështeteni në katër rrotat tuaja për të arritur atje të sigurt, goma rezervë nuk është më e nevojshme.
Si funksionon teknologjia e gomave vetëmbështetëse Runflat?
Një paret anësor i përforcuar i projektuar posaçërisht e mbështet gomën në rast shpimi dhe humbjeje të ajrit. Kjo pengon që pareti anësor të shtypet midis diskut dhe rrugës dhe goma të mos rrëshqasë nga disku.
Si ta drejtoj makinën me gomat Runflat?
Teknologjia nuk ka asnjë ndikim në përvojën e drejtimit të makinës ose në manovrimin e makinës suaj në rrethana normale. Sidoqoftë, duhet të keni një sistem monitorimi të presionit të gomave (TPMS) dhe rekomandohet Kontrolli Elektronik i Stabilitetit (ESC).
Si duhet të veproj pasi shpohet një gomë vetëmbështetëse Runflat?
Mund të vazhdoni të drejtoni makinën për 80 km me një shpejtësi maksimale prej 80 km/orë pasi goma të jetë shpuar. Nuk është e nevojshme të ndaloni për të ndërruar gomën ose të telefononi për asistencë në rrugë, por duhet ta kontrolloni gomën nga një specialist sa më shpejt të jetë e mundur për të parandaluar dëmtimet e mëtejshme.
Si mund të gjej goma me teknologjinë Runflat me vetëmbështetje?
Teknologjia u zhvillua veçanërisht për gomat me seksion të ulët, të cilat janë të pajtueshme me të gjitha disqet standarde. Ato montohen, ndërrohen dhe përdoren si çdo gomë pajisje standarde. Ju mund t’i gjeni të gjitha gomat Runflat me vetëmbështetje të Continental në faqen tonë të internetit ose zgjidhni nga një përzgjedhje më poshtë.
