Inxhinieri gjermane

Zell, saktësi dhe efikasitet: Këto kanë qenë atributet e famshme të inxhinierisë gjermane për më shumë se një shekull. Inxhinieria gjermane është ADN-ja jonë, por sot, Continental mund të mburret edhe me ekspertizën inxhinierike që shtrihet në të gjithë globin: më shumë se 236 000 individë të përkushtuar me pasion në 58 vende dhe 561 pika, realizojnë ëndrrën e lëvizshmërisë për klientët çdo ditë. Vetëm në sektorin e gomave, pothuajse 57 000 punonjës në 24 vende po ndjekin tendencat dhe ndryshimet e tregut, duke i përdorur ato më shpejt se të tjerët dhe duke gjetur më shpejt zgjidhje më efektive për klientët tanë. Ajo që i bashkon është një kulturë e përkufizuar nga besimi dhe bindja se suksesi duhet të fitohet. Continental Tires ka aspiruar gjithmonë të jetë më i miri. Një frymë e fortë ekipi në rang global pasurohet nga aftësitë dhe ekspertiza e një force punëtore të larmishme. Ne jemi të bindur: vetëm vlerat krijojnë vlerë dhe na lejojnë të realizojmë qëllimet e kompanisë sonë për novacionin, produktivitetin dhe rritjen në nivel global.

Continental ka punuar për t’i bërë rrugët tona të sigurta pa komprometuar komoditetin ose kënaqësinë në drejtimin e mjetit, që kur kompania u themelua në vitin 1871. Nga risitë e hershme, të tilla si goma e parë në botë me motive të faqes shkelëse në 1904, deri te gama vizionare e gomave të automjeteve elektrike eContact dhe risitë tona të teknologjisë së automobilave, Continental ka demonstruar vazhdimisht frymën e saj pioniere: nga Hanoveri nëpër botë. Dhe ne vazhdojmë ta bëjmë këtë gjë në të gjitha fushat e biznesit tonë - gati për transformimin e industrisë së automobilave, gati për të ardhmen.

Teknologjia gjermane: Standardet më të larta për zgjidhjet e gomave

Teknologjia dhe saktësia gjermane nuk janë vetëm legjendare, por janë të fjalës së fundit. Continental kërkon ta vërtetojë këtë frymë novatore me çdo produkt të ri. Qendra jonë e inxhinierisë me mbi 1000 shkencëtarë, projektues dhe inxhinierë në Hanover të Gjermanisë, shpik, zhvillon dhe teston me një qëllim të vetëm në mendje: të bëjë lëvizshmërinë më të sigurt. E gjitha kjo, me standardet më të larta gjermane – për pothuajse 150 vjet. 

Rezultati është një gamë e gjerë produktesh superiore për pothuajse të gjitha format e lëvizshmërisë. Nga gomat me performancë të lartë për makina deri te zgjidhjet novatore të kamionëve të lehtë, ne kemi një zgjidhje për pothuajse çdo aplikim, nevojë dhe treg në mbarë botën. Dhe duke qenë se sfidat e veçanta kanë nevojë për zgjidhje të veçanta, ne lejojmë natyrën të na udhëheqë. Natyra gjithmonë përshtatet me nevojat individuale dhe një mjedis të veçantë. Ne punojmë në mënyrë të ngjashme, duke e bërë sfidën tuaj tonën, duke gjetur zgjidhje individuale nga portofoli ynë i gjerë që i përshtatet më së miri funksionimit tuaj, nevojave lokale dhe kërkesave specifike të tregut.

Fillimi i dixhitalizimit: Produktiviteti dhe prodhimi i gomave në rrjet

Prodhimi i gomave ka bërë një rrugë të gjatë në 100 vitet e fundit. Punishtet e ndotura dhe me erë të keqe ku punëtorët i formonin gomat me dorë - nuk ekzistojnë më. Sot punonjësit tanë të prodhimit sigurojnë që Continental të ofrojë cilësinë e lartë në kohën e duhur – duke punuar në mënyrë efikase, me qëndrueshmëri ekologjike dhe të sigurt. Kjo përfshin aplikimin e teknologjive të reja dhe novatore, mbajtjen e makinerive në funksionim në kapacitetin optimal si dhe menaxhimin efikas të defekteve.

Kjo është arsyeja pse krijimi i Qendrës sonë të parë të Teknologjisë me Performancë të Lartë është një moment historik i rëndësishëm. Një nga fabrikat e para të prodhimit Continental u ndërtua në Korbach në vitin 1907. Sot, qyteti i vogël në Gjermani është shtëpia e fabrikës novatore Continental e cila po e transferon prodhimin e gomave në epokën dixhitale duke përdorur makineri dhe procese prodhimi që janë plotësisht të lidhura në rrjet dhe të dokumentuara nëpërmjet sistemeve me sensorë dhe softuerëve.

Vetëm më e mira për gomat Continental: Cilësia vjen e para

Kur bëhet fjalë për sigurinë rrugore, goma është pika më e rëndësishme e kontaktit midis automjetit dhe rrugës. Drejtuesit kanë nevojë për gomat e duhura për performancë optimale në të gjitha sipërfaqet dhe në të gjitha stinët. Kjo është arsyeja pse ne kurrë nuk bëjmë kompromis për cilësinë. Në fillimet e Continental, mbi 100 vjet më parë, prodhimi i gomave ishte pak a shumë një zanat i mirëmenduar. Sot është një proces shumë teknologjik. Çdo lloj dhe model gome është projektuar posaçërisht për qëllimin e saj. Saktësia deri në komponentin më të vogël kimik është thelbësore në zhvillimin e plastikës, gomës dhe polimerëve për produktet tona. Duke punuar ngushtë me klientët tanë, ne përcaktojmë dhe zhvillojmë formula të personalizuara që ofrojnë produkte të gatshme me cilësi të lartë. Ne ruajmë standardet tona të cilësisë së lartë në të gjitha operacionet tona duke investuar në mirëmbajtjen, standardizimin dhe përmirësimin e efektivitetit dhe efikasitetit të aktiviteteve tona dhe proceseve të biznesit në departamentet tona të Kërkim-Zhvillimit dhe në fabrikat tona.

Ne dikur rriteshim me “kuaj-fuqi” dhe “patkonj thundrash”. Në ditët e sotme, rritja jonë drejtohet nga miliarda bit dhe bajt. Ky është një proces tranzicioni: Continental, prodhuesi i gomave, furnizuesi i automobilave dhe partneri industrial është bërë Continental, prodhuesi i teknologjive dhe shërbimeve lider. Ky proces i ndryshimit të vazhdueshëm ofron një sërë mundësish për ne.

Dr. Elmar Degenhart, ish-kryetar i Bordit Ekzekutiv të Continental

Puna drejt një bote më të pastër: Qëndrueshmëria mjedisore

Në Continental Tires, ne respektojmë njerëzit dhe mjedisin. Qëllimi ynë është të mbrojmë në mënyrë aktive burimet natyrore të planetit tonë. Kjo është arsyeja pse veprimet tona karakterizohen nga ndjekja e vazhdueshme e efikasitetit më të lartë. Një nga përpjekjet tona në këtë fushë është kërkimi dhe zhvillimi i materialeve alternative për prodhimin e gomave.

Së fundmi, kemi hapur laboratorin tonë kërkimor “Taraxagum Lab Anklam” në Anklam, Meklenburg -Pomerania Perëndimore, Gjermani. Laboratori u është përkushtuar kërkimeve bujqësore dhe procesit të nxjerrjes së luleradhiqes ruse si një burim alternativ i lëndës së parë ndaj pemës së kauçukut në tropik. Përveç zhvillimit të lëndëve të reja, Continental ka zhvilluar gjithashtu një qasje për të ricikluar mbetjet e kordonit të çelikut të gomuar nga prodhimi i gomave.

Gomat e teknologjisë së lartë, teknologjitë inteligjente për lëvizshmërinë, transporti i materialeve dhe përpunimi i të dhënave janë pjesë e fushës sonë. Që nga vitet 1980, Continental është zhvilluar në mënyrë progresive në një kompani ndërkombëtare që përhap vlerat dhe kulturën e saj në mbarë globin për t’u shërbyer më së miri klientëve në të gjitha rajonet. Ne ofrojmë zgjidhjen e duhur për çdo treg dhe nevojat e çdo klienti.